mabagsik ang alindog ko.
Friday, August 21, 2009
Siomai. [13]

IKALABING-TATLONG KABANATA.



AVA'S POV

Medyo namamaga pa ang mga mata ko. Sasabihin ko nalang kay lola na nanuod ako ng sobrang nakakaiyak na movie na halos maluwa na ang mata ko kagabi.

"Lola, di ba sinabi ko sa inyo na huwag muna kayo tumambay sa Quantum. Ayan tuloy, umatake ang rayuma ninyo. Paano na lang kung wala ako dun para sumaklolo sa inyo." sabi ko.

"Iha, maikli na lang ang buhay ko. Pabayaan mo na akong magsaya. Sus! Kung nandito pa siguro si Carding, ang lolo mo, siguro magdamag kaming nasa jungle log jam. Nga pala, nasaan na ang lalakeng pinapapunta ko sayo dito? Anong petsa na!?" sabi ni lola.

Sasabihin ko ba ang totoo? Wag muna...

"Ahm...busy po siya." pagsisinungaling ko.

"Ganun ba? Dapat ginagamit mo ang asim mo. Sex appeal! Eto, ipagluluto ko siya ng siomai. Dapat ibigay mo sa kanya. Tapos, dalhin mo dito." sabi ni lola sabat tawa.

Sinundan ko si lola sa kusina. Inihanda na niya ang mga gamit para sa gagawin niyang pagluluto.
Pinanuod ko siyang sumayaw habang nagluluto. Gumigiling siya sa kaliwa at nagoocho-ocho sa kanan. Akalain mo yun?! Hindi man lang natatapon ang mga sangkap na kanyang hawak-hawak.

Nang tapos ng i-steam ang siomai at inilagay na ni lola sa pinggan, kay sarap at kay bango nito. Nakakatakam. Mukhang malinamnam. Hmm.

Kumuha ako ng isang piraso ng siomai. Tinikman ko.
Hmm! Sarap. Swabe sa lalamunan.

"Ilalagay ko na sa taperware. Ibigay mo kay Bogart ah. Tapos imbitahin mo syang pumunta dito." sabi ng aking dakilang lola.

"Opo." sagot ko.

Natulog na ako para maaga akong magising bukas.

Kinabukasan.

5:00 na pala. Makabangon na nga.
Naligo na ako at nagbihis ng aking uniform.
Nagpaganda, syempre.

Kinuha ko ang taperware sa refrigerator. Ininit ko muna sa microwave.
Paano ba kita ibibigay kay Bogart?
Ah! Owkei. Alam ko na.

Umalis na si Ava at tumungo sa eskwela.

KALEB'S POV

Hay. Nakaraos na rin sa pagkakagulat ko kahapon. Hindi ko akalain na si Gino, ang campus crush, ay isang bakla. Kung malalaman siguro nito ng buong sansinuko, baka patayin at kaladkarin nila ako sa selos. Sa dami-dami pa kasi ng mga lalake, ako pa ang napupusuan ni Gino. Baka magkanda leche bureche ang buhay ko niyan.

Makapasok na nga sa malamig na classroom ko!

"Oi Kaleb!" bati sa akin ni Kata.

"Anong kailangan mo?" sabi ko.

"Pengeng siomai. Sige na. Hindi ako nag-agahan kanina eh." sabi niya.

"Ha?! Wala ako nun. Alam mo naman na hindi ako nagbabaon diba?"

"Talaga? Ano yung nakapatong sa upuan mo?" -Kata.

Napasulyap ako sa upuan ko. May taperware na nakapatong dun.
Mapuntahan nga. Sakto. Mejo gutom ako ngayon.
At aba! May sulat pa.

Bogart,

Sorry sa mga nasabi ko sa'yo nung isang araw.
Goodluck na lang sa bago mong school.
Basta, walang limutan.

-Ava-



Nakakatouch naman 'tong letter. Pinapatawad ko na si Ava. Hmm.
Makakain nga muna.

"Oh, lamunin mo na." sabi ko kay Kata.

"Salamat! Nga pala, bakit hindi mo ako sinamahan sa PULP Summerslam kagabi. Kakainis ka naman. Hindi na tayo bati." sabi ni Kata.

"Ha! Kagabi ba 'yon?! Tae. Baket di mo pinaalala?" sigaw ko.

"Natutulog ka daw sabi ng nanay mo." sabi niya habang nginunguya ang siomai. May tumalsik pa sa pisngi ko na agad kong pinunasan.

"Ganun ba? Sayang naman. Hindi tuloy ako nakipagrak-rakan."

"Wag kang lonely, pare. Binili kita ng t-shirt. Hehe. Bigay ko sa'yo bukas."

"Salamat bespren! I labshu!!!"

At nilapa namin ang mga miracle siomai.
Yum.Yum.Yum.Yum. Delicioso. [Linya ni Backpack. Sa Dora Lakwatsera.]

Dumating ang lunch.
Tinakbo ko ang kahabaan ng corridor. Sigaw ako ng sigaw ng : Ava! Ava! Ava! Arriba!
At nang nakita ko ang pagmumukha ni Ava, pinuntahan ko siya.

"Hi Ava!" bati ko sa kanya.

Medyo namumula si Ava. Bakit kaya?

"Natanggap mo ba ang pagkaen? Kinain mo ba?" tanong niya.

"Syempre. Ubos na nga eh. Ahehehe." sagot ko.

"Ganun ba. May nais akong sabihin sa'yo. Dun tayo sa medyo tahimik. Ingay dito eh."

Pumunta kami sa tahimik na part ng corridor. Medyo maingay pa rin pero at least nagkakarinigan na kami ng maayos.

"Ahm. Bogart. Didirechohin na kita. Sana maintindihan mo ako."sabi ni Ava.

"Sige, I'll try."

"Mahal kita." sabi ni Ava. Titig na titig siya sa akin.

Tama ba nag narinig ko? Mahal ako ni Ava?!

"Weh, di nga?" sabi ko.

"Anong gusto mong gawin ko para maniwala ka?" tanong niya.

"Halikan mo ako kahit madaming tao." Panghahamon ko sa kanya.

Hehehehe. Gagawin kaya niya?

posted by yana. @ 12:10 AM  
0 Comments:

Post a Comment

<< Home
 
About Me

Name: yana.
Home: Manila, Philippines
About Me: 'Wag mo na akong kilalanin. Magsisisi ka, peksman.
See my complete profile
Previous Post
Archives
Sidebar Section

Lorem ipsum dolor sit amet, consectetuer adipiscing elit. Duis ligula lorem, consequat eget, tristique nec, auctor quis, purus. Vivamus ut sem. Fusce aliquam nunc vitae purus.

Links

Free Blogger Templates

BLOGGER