mabagsik ang alindog ko.: March 2010

mabagsik ang alindog ko.

Tuesday, March 16, 2010

Kubeta King

Una.

Tanghaling tapat, may shooting na agad. Si Jerik ay umaariba. Ang kaaway ay umeeksena. Ang mga nagtatanghalian sa karinderya ay uminom na lang ng tubig at nanuod ng away. Ang mga kapitbahay ay nakichismax.Ano nga ba ang nangyari? Ang lakas ng sigawan. Sobra ang panlalait ng magkabilang panig. Isa palang gangsta ang kumakalaban kay Jerjer. Isang gangster na taga-Olonggapo. Walang sino man ang nakaaalam ng tunay na dahilan kung bakit sila nag-aaway. Isang nakapagtatakang misteryo. Kaya, nanood na lang sila ng away na walang humpay.

"Hoy lalake! Alam mo bang mukha kang abnormal? Tignan mo nga 'yang suot mo, mukhang tanga. Pero ang mukha mo mas mukhang tanga." -gangsta

"Berdugong gangster! Mag-ingat ka sa mga sinasabi mo ah. Alam mo din ba? Kamukha mo yung pwet ko. Yung left side." -Jerik.

"Aba! Ang yabang mo ah! Akala mo kung sino ka. Baka 'di mo kilala kung sino ang binabangga mo?

"Wala akong paki kung sino ka! Ulol! Tae ka! Paksiyet!"

May isang hunghang na umextra at sinabihan si Jerjer ng:

"Ui. Maghunus-dili ka kapatid. Anak 'yan ng sindikato at kapatid niya ay isang mamamatay tao. Maraming back-up 'yan. Magtago ka na!"

"Hina mo pala. Bano! Weak! Pwes, ako ay anak nd DIyos! Utol ko si Hesukristo! Baka gusto mo kainin ko pa kaluluwa mo tapos isusuka ko sa impyerno?"-Jerik

Nagpakawala ng isang malakas na halakhak si Jerjer. Humanga ang mga kapitbahay kay Jerik. Napatameme ang gangster sa sinapit na hardcore hebigat na pambabara. Pagkatapos ng ilang sandali, may lumapit na tanod na mukhang hunyago. Dinala niya si Jerik at ang gangsta sa barangay.

Sa opis ni Chairman.

Busy manuod ng bold si Chairman sa bago niyang cellphone bago niya nasulyapan ang pagmumukha ni Jerik. Nawindang siya at agad niyang tinago ang cellphone sa loob ng kanyang brief.

"Ikaw nanaman,suki? Malapit ka nang maging egular costumer dito ah. Puno na ang record mo dito. Ano? Bakasyon ka muna sa loob ng kulungan. Para ma-feel mo naman ang mga kinakalawang na rehas."

"Ulol. Utot mong green." sambit ni Jerjer.

"Bibigyan uli kita ng isa pang pagkakataon. Magpakatino ka na. Ayoko nang bumalik ka dito. Kung hindi ko lang kaibigan ang mga magulang mo, siguro'y matagal na kitang pinagahasa kay Jollibee eh. Hay naku bata ka! Sige, layas na!"

Napatingin si chairman sa gangster na nasa state of shock pa rin. Tulala, nanlalaki ang mata at tumutulo ang uhog.Isang beses pa lang ata naka-experience 'tong gangster na 'to na mapahiya sa buong madla. Ang lakas ng epekto ng away nila kanina sa kaniyang buhay. Isusuko na niya ang pagiging gangster. Mamumuhay na lamang siya ng simple at maninirahan sa bundok. O kaya magmamahal na lang siguro siya ng bakla. Ang layo sa context. Ang layo sa awayan. Gnayan ang epekto ng taong nawalan ng dignidad. Daig pa ang adik na nawalan ng marijuana.

Sa apartment nina Tito Bhoy.

Magulo ang bahay. Nagkalat ang mga baraha. Mapanghi ang kubeta. Puro kalat ang la mesa. Basag ang lampara.
Tila dumaan muli si Ondoy para lumikha ng karumal-dumal na sakuna. Ayan ang nadatnan ni Jerik sa pag-uwi niya. Nakapagtataka. Wala si Tito Bhoy at si Tarwin. Lumabas muna si Jerjer upang maghanap ng mga kababalaghan at gumawa ng kabalastugan.

Sa paglalakad, may napansin si Jerik na bebot. Naglalakad ng pasuray-suray. Halatang naka-inom. Sinubukang iwasan ni Jerik ang babae ngunit sa kasamaan palad may nangyaring di kanais-nais.Nasukahan ng babae si Jerik. Napa-omgwtfbbq.sauce si Jerjer. Nakakadiri ang suka. Amoy red horse na hinaluan ng mabantot na hininga.

"Hoy! Ano ba? Kung lalaklak ka, siguraduhin mo naman na makokontrol mo! Lintek!" -Jerik.

Hindi alam ni Jerik kung ano ang gagawin niya. Tutulungan ba niya ang babae o hindi. Napag-isip-isip si Jerik. Matagal na siyang hindi nakagagawa ng mga mabubuting bagay. Siguro'y itinakda ng Diyos na may babaeng biktima ng karahasan ng alak na sumuka sa akin para tulungan ko. Dali-daling binuhat ni Jerik ang babae at dinala sa apartment.

Sukahan galore sa bahay. Lalong lumala ang baho ng kanilang inuupahan. Mas masahol pa sa kwadra ng kabayo. Hiniga ni Jerik ang babae sa sofa tapos nilinis muna niya ang paligid. Isang achievement iyon sa talambuhay ni Jerjer. Pers time niya kasi maglinis. Karapat dapat siyang i-clap clap. Pagkatapos niyang maglinis, kumuha siya ng malinis na tuwalya at binasa ito. Inilapag muna niya ang basang tuwalya sa mukha ng babae dahil iinom muna siya ng tubig dahil nauhaw siya. Binalikan niya nag babae at pinunasan. May kamukha ang babae. Yung right side naman ng pwet ni Jerik. Hehe. Kumuha si Jerjer ng malaking t-shirt para palitan ang mabahong damit ng babae. Walang kamalay-malay ang babae na hinuhubaran na siya. Walang reaksyon si Jerik ng makita niya ang kulay pink at may design na Hello Tweety ang bra ng babae.

Naglatag si Jerjer ng kumot sa ibaba ng sofa. Inilipat niya ang babae dun at siya naman ang matutulog sa sofa. Praktikat at mahusay. Isang tatak ng tunay na lalaki. Natulog silang dalawa. Mahimbing. Pero parehas naman silang pinapapak ng lamok. Nakalimutan ni Jerjer sindihan ang katowl. Alas tres na ng madaling araw, nagising si babae at napasigaw.

"Nasaan ako?! Hoy, ikaw lalake, ginahasa mo ako no? Gago ka! " sigaw ng babae.

"Asa. Kapal mo naman para magsabi na ginahasa kita. Tinulungan ka na nga 'tas yan pa ang iaasta mo. Respeto naman. Asan ba ang iyong sentido kumon? Sus. Matulog ka na lang." sabi ni Jerik at ipinikit ang mga mata.

Humagulgol ang babae. May halong hinagpis at poot ang kanyang mga luha. Pati na rin ang sipon.

"Hindi na 'ko virgin. Hindi na 'ko virgin." paulit-ulit na sinasabi ng babae.

"Hindi nga kita minolestiya! Ang taas naman ng pangarap mo. SIno ka ba? Magpasalamat ka naman. Tinulungan na kita. O siya. Kung magmumukmok ka lang dyan, lumayas ka na dito." - Jerjer

First time in the history of life ni Jerjer, sinampal siya. Nagbago ang mukha ni Jerjer. Kakaiba. Nakakatakot. Nakakapanindig-balahibo. Nakakasindak. Asteeg.

posted by yana. @ 3:34 AM 0 comments

Kubeta King [panimula]

PANIMULA

May dalawang magkapatid na taga-Tondo. Sila ay sina Jerik at si Tarwin. Nakatira sa isang inuupahang apartment. Parehong out-of-school youth dahil sa kahirapan. Napipilitan magtrabaho agad kahit sa murang edad. Hindi sila pinagbigyan ng tadhana upang mamuhay ng marangya. Tanggap naman nila ang mapait na katotohanan. Anumang pagsubok ay kaya nilang harapin.'Bahala na' ang palagi nilang sinasambit. Gagawin nila ang lahat para lang magkapera pang-kain lang sa isang araw. Kahit papaano, may iba silang paraan para matuto. Halos lahat na ata ng trabaho ay pinasukan na nila. Magtinda ng mga pirated na DVD ng Boys over Flowers. Maglako ng sampaguita sa Quiapo. Mag-ihaw ng isaw. Mag-punas ng pawis. Tagabuhat ng mga padala sa pier. Taga-hatid ng mga tapsilog sa mga bahay-bahay. Taga-butas ng gitna ng donut. Maging payaso tuwing may children's party. Tagalinis ng inidoro ng kapitbahay. Taga-advertise ng mga ipinagbabawal na droga sa kanto. Taga-bilang ng mga butil ng bigas. Maglagay ng Coke sa plastik.Maging referee sa mga batang naglalaro ng pogs. Sobra ang sakripisyo pangkain lamang at sa pang-araw-araw na gastusin. Hay. Sadyang mapaglaro nga naman ang tadhana. Pati DOTA nadiscover na.

Tulad ng ibang magkakapatid, magkaiba si Jerik at Tarwin ng ugali pero parehas silang asteg. Lumaki sila sa piling ng kanilang tiyuhin na itago na lang natin sa pangalang Tito Bhoy. Namatay kasi ang mga magulang nila dahil sa bangayan ng kanilang mga kapitbahay. Pinagbintangan sila na nagnanakaw ng electric fan, ang kaisa-isang appliance ng kapitbahay. Ayun, napasabak sa giyera ang mag-asawa. Tila bumuo sila ng sarili nilang World War III. Nasawi sila dahil itak lang ang mayroon sila. Hindi nila alam na may m16 na nakatago ang kapitbahay. Kaya ganun, ang magkapatid na Jerik at Tarwin ay ipinaubaya na lamang kay Tito Bhoy.

Si Tito Bhoy. Siya ay mayroong ilegal na pasugalan sa loob ng kanilang apartment. Hindi siya mauubusan ng mga baraha. Araw-araw na lang may mga nagsusugal. Sideline nga niya ang mag-magic trick. Oha? Ayan ang mahusay. Ang kita niya sa isang araw ay ipangtataya niya sa sabong at sa lotto. Naniniwala kasi siya sa swerte. Tuwing mag-a-alas sais ay dederecho na siya sa tayaan ng lotto. Basta, ang buhay ni Tito Bhoy ay umiikot lamang sa sugal at pera. Simula ng namulat siya realidad, nagpakalunod na lamang siya sa baraha. Iniwan kasi siya ng kasintahan niyang katextmate. Tuwing magtatalik daw kasi sila ay palagi na lang may tae si Tito Bhoy sa brief. Ngayon, nagdadalawang isip si Tito Bhoy na magmahal na lang ng kapwa lalaki o kung magpakamartyr at magsilbi sa Diyos.

Kilalanin muna natin ang magkapatid.

Si Jerik.
Minsan Jerjer ang tawag sa kanya ng kanyang mga kaibigan. Kung sino man ang makakarinig ng pangalan niya, mangingisay na agad sa takot. Siga at basag-ulo kasi sa kalye. Buong kalsada ay kilala siya. Superstar sa Tondo kumbaga. Siya ay magaling dumiskarte at matinik sa chicks. Malupit din 'yan pagdating sa mga usapang kalibugan. 'Yung tipong malupit na humahagupit. Swerte siya pagdating sa tongits. Malakas lumaklak ng alak at hindi nawawalan ng yosing naka-insert sa bibig. Puro bisyo na lang siya. Isa talaga siyang tunay na lalake. Walang bahid ng pagkasilahis o kung anumang pagkababae. Hindi siya tulad ng ibang lalake ng cheesy at ubod ng kakornihan. Matapang at walang kinatatakutan. Walang sinasanto, walang nirerespeto. Sanay siyang laging nasusunod. Kung sino ang gustong makabangga siya, siguro'y isang batalyong bukol ang matatamo niya. Hindi naman sa future ni Jerjer ang bukseng, pero hobby niya kasing gawing punching bag ang mga mukha ng taong kinaiinisan niya. Tigasing tao 'yan. Weakness? Wala!
Wala nga ba?

Si Tarwin.
Tartar for short. Isa siyang dakilang pessimist.. Halos lahat puro negative ang iniisip niya. May taglay siyang kakaiba-ibang level ng kawirduhan. Sino ba naman ang mawiwirduhan sa mga conclusion niyang tulad nito: "If God is love and love is blind. Therefore, God is blind." Astig din naman siya pero iba ang style niya. Medyo nag-iiba ang kanyang personality pag siya'y nagalit. Basta astig din siya tulad ng kaniyang kuya. Mahusay siyang tumugtog ng gitara. Tinuruan muna kasi siya ng kaibigan niya bago malulong sa droga. Makadiyos at malalim mag-isip itong si Tarwin. Halos lahat ng mga bagay tungkol sa buhay ay alam niya maliban sa pag-ibig. Weakness daw niya kasi iyon. Isama mo na pati ang magulong mundo ng agham. Magaling siya sa pilosopiya pero hindi siya nabigyan ng pagkakataon upang makap-aral kaya hindi siya maka-level up. Kawawa naman. Dahil sa kagustuhan niyang makapag-aral, sumasaglit siya sa eskwelahan at pumupunta ng library. Laking inggit niya ang makakita ng mga estudyanteng lalake na naka-uniporme at laking galit naman dahil hindi sila nag-aaral ng mabuti kasi sinasayang nila ang opportunidad na makapag-aral.Buti nga sila eh, nakakapag-aral. Hindi nila kasi alam yung importansya ng edukasyon. Hindi naman kasi iyan inilalako. Hindi lahat nabibigyan ng pagkakataon.

Sa kabila ng mga paghihirap na dinaraanan nila sa buhay, may sarili silang mga pangarap. Gusto din nila sanang makapagtapos ng pag-aaral at makakuha ng marangal na trabaho na may sapat na sweldo. Walang tigil ang kanilang pagsusumamo sa Diyos upang dinggin ang kanilang mga panalangin. Hindi sila nawawalan ng pag-asa. Habang sumisikat ang araw, may panahon pa para sa pagbabago. Iyon lamang ang hiling ng magkapatid.

Magkaiba ang personalidad. Magkatulad ang hangarin.
Hindi nila alam kung saang daan ang dapat tatahakin.
Pagbabago lamang ang kanilang mithiin.
Madami ang hadlang para sa hiling na gustong tuparin.

Para sa magkapatid na Jerik at Tarwin, ito lamang ang masasabi ko sa inyo.

Bakit ba ibinabase ang buhay sa horoscope, hula, at bahala?
Nakalimutan mo yata na pwedeng baguhin ang nakatakda at nakatadhana.
Sa Red Horse ka maniwala.
Dahil ito ang TAMA!

posted by yana. @ 3:31 AM 0 comments

About Me

Name: yana.
Home: Manila, Philippines
About Me: 'Wag mo na akong kilalanin. Magsisisi ka, peksman.
See my complete profile